Bakının bu ərazisində hərəkət tam məhdudlaşdırılacaq | Səbəb açıqlandı

Paytaxtın 8 Noyabr prospektində nəqliyyat vasitələrinin hərəkəti məhdudlaşdırılacaq.

Belə ki, sentyabrın 6-da saat 06:00-dan etibarən Ramiz Quliyev küçəsindən Zığ dairəsi istiqamətində təmir işləri ilə əlaqədar nəqliyyat vasitələrinin hərəkəti tam məhdudlaşdırılacaq.

Ramiz Quliyev küçəsindən Sabunçu küçəsinə qədər olan hissədə Zığ dairəsi istiqamətində yalnız 1 istiqamət üzrə hərəkətin məhdudlaşdırılması nəzərdə tutulur. Əks istiqamət üzrə isə avtonəqliyyat vasitələri rahat şəkildə hərəkətlərini davam edə biləcəklər. Bir neçə günlük asfalt-beton örtüyünün yenilənməsi işləri icra olunacaq və bundan sonra həmin hissə üzrə hərəkət yenidən bərpa olunacaq.

Bu barədə Azərbaycan Avtomobil Yolları Dövlət Agentliyinin sözçüsü Anar Nəcəfli məlumat verib.

Bildirib ki, Əsəd Əhmədov küçəsindən Heydər Hüseynov küçəsinə qədər olan hissədə 1 sentyabr tarixindən etibarən təmir işləri ilə əlaqədar olaraq avtonəqliyyat vasitələrinin hərəkəti tam məhdudlaşdırılacaq.

“Ümumilikdə 20 Yanvar istiqaməti və əks istiqamətdə, Həsən bəy Zərdabi küçəsində təmir işlərinin aparılması tərəfimizdən yaxın müddət ərzində tam olaraq yekunlaşdırılacaq”, – deyə o qeyd edib.