Bakıya qar yağacaq, şaxta olacaq | Hava haqqında məlumat
Yeniliklərdən dərhal xəbərdar olun
Yanvarın 12-si gündüz Azərbaycanın qərb rayonlarından başlayaraq 15-i səhərədək yağıntılı hava şəraitinin davam edəcəyi, bəzi yerlərdə sulu qar, qar yağacağı gözlənilir. Ayrı-ayrı yerlərdə yağıntıların intensiv olacağı ehtimalı var. Yanvarın 15-i səhər saatlarından yağıntılar tədricən kəsiləcək, gündüz əsasən yağmursuz hava şəraiti müşahidə olunacaq.
Bu barədə Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib.
Onun sözlərinə görə, Bakıda və Abşeron yarımadasında yanvarın 13-ü səhərdən 14-ü axşamadək havanın arabir yağıntılı olacağı, yağışla başlayan prosesin sulu qara, bəzi ərazilərdə qara keçəcəyi gözlənilir:
"Yanvarın 14-ü isə gecə və səhər yarımadanın bəzi ərazilərində yağıntıların intensivləşəcəyi ehtimalı var. Güclü şimal-qərb küləyi əsəcək, 13-ü səhərdən 14-dək 15-20 m/s, arabir 23-28 m/s, 13-ü səhər və gündüz isə yarımadanın bəzi yerlərində arabir 30-32 m/s-dək güclənəcək".
Sinoptik bildirib ki, yanvarın 13-də temperaturun anomal gedişi gözlənilir:
"Yanvarın 12-dən 13-nə keçən gecə və səhər havanın 4 dərəcəyə yaxın isti olacağı, lakin günün ikinci yarısından başlayaraq temperaturun ötən günlərlə müqayisədə 5-8 dərəcə enərək, 13-də axşam saatlarında 0 dərəcəyə yaxın olacağı gözlənilir. Yanvarın 14 və 15-i gecə saatlarında 0-3 dərəcə şaxta, gündüz 0-3 dərəcə isti olacaq".
G.Məmmədova əlavə edib ki, güclü küləkli və yağıntılı hava şəraitində yarana biləcək çovğunla əlaqədar yollarda görünüşün məhdudlaşacağı ehtimal olunur: “Küləkli və yağıntılı hava şəraiti ilə əlaqədar əhalinin ehtiyatlı olması tövsiyə olunur”.
#Milli Hidrometeorologiya Xidməti teqi istifadə olunub
- Güclü külək və sel təhlükəsi | Bu günlərdə küçəyə çıxarkən ehtiyatlı olun - Baku TV CANLI
- Hansı ərazilərdə yollar buz bağlayacaq? - Baku TV CANLI
- Qeyri-sabit hava ölkəni cənginə alır | Bu ərazilərdə ehtiyatlı olun - Baku TV
- Bakıda və bölgələrdə hava kəskin dəyişir? | Hava haqqında məlumat - Baku TV
- Dağlıq ərazilərdə yağış, Bakıda isə... | Sabah hava necə olacaq? - Baku TV CANLI
