"Varlı oğlan istəyirdim, amma qismət" | Məşhur kadrların qəhrəmanı 30 il sonra nələri etiraf etdi?
Yeniliklərdən dərhal xəbərdar olun
“Arzunun vaxtı” verilişinin budəfəki buraxılışının qonağı illər əvvəlki toy görüntüləri ilə sosial şəbəkələrdə gündəm olan və məşhurlaşan Bənövşə Məmmədova olub.
Veriliş zamanı o, həyatı, ailə qurması və üzləşdiyi çətinliklərlə bağlı səmimi etiraflar edib.
Sosial şəbəkələrdə geniş müzakirə olunan arxiv görüntülərində 26 yaşında olduğunu deyən Bənövşə Məmmədova həmin dövrü xoş xatirələrlə xatırlayıb.
Həyat yoldaşı ilə bacısının vasitəsilə tanış olduğunu bildirən Bənövşə xanım valideynlərinin bu evliliyə necə razılıq verdiyi barədə də danışıb:
“Yetim oğlana ərə getdim. Nə atası var idi, nə anası. Atam mənim toyuma çox dəstək oldu, hətta bazara gedib bir dana alıb gətirdi ki, kömək olsun”.
O, həyat yoldaşının valideynlərini erkən yaşda itirdiyini, buna baxmayaraq, ailə həyatından indiyədək çox məmnun olduğunu vurğulayıb. Həmçinin bildirib ki, həyat yoldaşı şirkətlərdən birində yük avtomobili sürücüsü işləyir.
Gənclik illərində rəfiqələrinə hər zaman yaraşıqlı və imkanlı bir oğlanla ailə qurmaq istədiyini zarafatla söylədiyini etiraf edən Bənövşə xanım taleyin ona tam fərqli qismət yazdığını, lakin buna görə heç vaxt peşman olmadığını bildirib:
“İstəyirdim ki, həm imkanı olsun, həm görkəmi. Amma əksinə oldu. İndi məmnunam həyatımdan. Gözəl qızım, yaraşıqlı oğlum var”.
#Arzunun vaxtı (Baku TV-nin verilişi) teqi istifadə olunub
- "Xəstəliyə görə evi satdı, amma..." | Böyrək xəstəliyindən əziyyət çəkən İlkin kömək gözləyir
- "Var-dövlət qazanıram, qız tapa bilmirəm" | "Toyuma gəlməyənləri cərimə edəcəyəm" - ARZUNUN VAXTI
- “Bir-birimiz üçün nəfəs alırıq” | Bir verilişdə başlayan tanışlıq böyük məhəbbətə çevrildi
- "Qəlbimdə çox sevdiyim biri var, amma yanıma gəlmədi" | "Mən həyatdan doymamışam" - ARZUNUN VAXTI
- "Sevdiyim qızın boyu 1,25 metr idi, məndən ötrü ağlayırdı" | "Hündürboylu olmaq istəmirəm"
