Birgünlük evlərdə görün nə oyun çıxarırlar | Pulumu götürüb gedirəm, müqavilə yoxdur…
Bakıda gündəlik mənzil kirayəyə verən mülkiyyətçilər əmlakları ilə bağlı müqavilə bağlamaqda maraqlı deyillər.
Üstəlik onlar üçün evlərdən hansı məqsədlə istifadə edilməsi də əhəmiyyət daşımır, təki qazanc olsun.
Vəkil Hikmət Əliyev deyir ki, müqavilənin bağlanması təkcə vergidən yayınmanın qarşısını almaq məqsədi daşımır:
“Çünki bu müqavilədə şərtlər, tərəflərin hüquq və vəzifələri müəyyən edilir, gələcəkdə ola biləcək problemlərin hüquqi olaraq tənzimlənməsi mümkün olur. Müqavilənin olmaması tərəfləri əlverişsiz vəziyyətə sala bilər.
Ehtimal edək ki, mənzili kirayə götürən şəxsin ehtiyatsızlığı ucbatından alt qonşunun evinə su axır, bunun nəticəsi olaraq həmin şəxsə zərər dəymiş olur. Belə olan halda mülkiyyətçi məsuliyyət daşıyır. Qonşu məhkəmədə iddia qaldırarsa, həmin zərər ev sahibindən tutulacaq. Amma əgər müqavilə bağlanmış olsaydı, mənzili kirayə götürəndən də zərərin tələb olunması halı mümkün ola bilərdi”.
Vəkil vurğulayır ki, belə hallarda ev sahibi hadisəni hüquqi yolla sübut edə bilmir. Bu da onun hüquqlarının pozulmasına səbəb olur. Odur ki, tərəflərin çətin vəziyyətə düşməməsi üçün hətta birgünlük kirayə üçün belə müqavilənin bağlanması zəruridir.
#Kirayə mənzil teqi istifadə olunub
- Evinizi kirayə verirsinizsə, nə qədər vergi ödəyəcəksiniz? - Faiz dəyişsə də...
- Kirayə bazarındakı bahalaşma tələbələrə necə təsir edir?
- Kirayədə qalanlar az yaşayır? | Oksford Universitetindən maraqlı araşdırma
- Yaşayış yeri probleminin səbəbləri | Bir tələbə bu qədər ödəməlidir ki...
- Azərbaycanda kirayə evlərin qiyməti açıqlandı | Ən yüksək qiymət hansı şəhərimizdədir?
