Bölgələrdə yeni məktəblər: Heydər Əliyev fondunun təhsilə olan diqqəti

Heydər Əliyev Fondunun Göyçay, İsmayıllı və Qəbələdə inşa etdiyi məktəblər istifadəyə verilib.

Göyçay şəhər 6 saylı məktəbdə əsaslı təmir-bərpa işləri aparılıb.

Qısa zamanda görülən işlər nəticəsində bir korpusu 3 mərtəbə, digər korpusları 2 mərtəbə olmaqla 4 korpusdan ibarət 624 şagird yerlik təhsil müəssisəsi istifadəyə verilib.

Əsaslı təmir və bərpa olunan məktəblərdən biri də İsmayıllı şəhəri 4 saylı tam orta məktəbdir. Heydər Əliyev fondunun təşəbbüsü ilə burada 280 şagird yerlik məktəb üçün yeni bina tikilib.

Fondun təşəbbüsü ilə Qəbələnin Nic qəsəbəsində 1 nömrəli tam orta məktəbin binası inşa edilərək istifadəyə verilib.

Yeni tədris ilində istifadəyə verilən 2 mərtəbəli 200 şagird yerlik məktəbdəki fənn kabinetləri və laboratoriyaları lazımi avadanlıqla və əyani vəsaitlərlə təchiz edilib.