Bu gün Su çərşənbəsidir
Bu gün Novruzun ilk – Su çərşənbəsidir. Su çərşənbəsi ilə Novruz bayramı üçün hazırlıqlar başlayır.
İnanclara görə, Tanrı suyu ilk olaraq yaratdığı üçün ilk çərşənbə kimi Su çərşənbəsi qeyd edilir. Bəzi mənbələrdə ona əzəli çərşənbə, gül çərşənbə də deyirlər. Bu çərşənbədə suyun dirilməsi özünü göstərir. Qədim inanclara görə, bu çərşənbə suya tapınma inancı ilə başlayır. İnanca görə, təzə su, yəni səhər dan yeri sökülmədən götürülən köpüklü ağ su min bir dərdin dərmanı sayılır.
Yaz fəslinin gəlişini xəbər verən Novruz bayramı ilin başlanğıcı kimi də qəbul edilir. Məhz buna görə də insanlar sudan onun kimi şəffaf və gözəl bir ilin keçməsini arzulaya bilərlər. İlk tonqalın su çərşənbəsində yandırılması buzların əriməsi, artıq qışın arxada qalmasının göstəricisidir. Su çərşənbəsində masa üzərinə su qoymaq, masada suyun aşması xeyirliyə yozulur. Əgər süfrənizdə su aşıb tökülərsə, həmin ilin sizin üçün bol bərəkət gətirəcəyi gözlənilir.
Su çərşənbəsi günü lal axan suyun üzərindən keçmək uğursuzluq əlaməti sayılır, həmçinin bu gün övladı olmayan bir qadının başından qırxaçar qabla su töksən, onun övladı dünyaya gələ bilər. Su çərşənbəsində hamının həyətində tonqal qalanır və bayram ovqatının yaxınlaşdığı nəzərə çatdırılır. Həmin gün insanların bir-birinin üzərinə su atması da uğura işarədir.
#Novruz bayramı teqi istifadə olunub
- İllər sonra Xocalının Təzəbinə kəndində sakinlərin bayram sevinci - Baku TV
- Bu görüntülər gündəmi alt-üst etdi | "Novruzda qadın kimi geyinmək adəti yoxdur!" - Baku TV
- "3-cü ildir ki, bayramı burada qeyd edirik" | Laçın sakinlərinin bayram sevinci - Baku TV
- Ordubadda Novruz bayramı belə qeyd edilir - Baku TV
- Yerli sakinlər baharın gəlişini böyük coşğu ilə qarşıladılar - Baku TV
