Bu küçələrdə nəqliyyatın hərəkəti məhdudlaşdırılır | Sürücülərin nəzərinə

Bakıda bir neçə küçədə hərəkət məhdudlaşdırılacaq.

İyunun 25-i səhər saat 8-dən Parlament prospektində Mehdi Hüseyn küçəsindən Mikayıl Müşfiq küçəsinə qədər, saat 23.00-dan isə Azadlıq prospektində Mixail Kaveroçkin küçəsindən Cəfər Xəndan küçəsinə qədər hərəkət qismən məhdudlaşdırılacaq.

Xətai rayonunda isə Afiyəddin Cəlilov küçəsində Yusif Səfərov küçəsindən Xaqani Rüstəmov küçəsinədək olan hissəsində aparılacaq əsaslı təmir işləri ilə əlaqədar iyunun 24-dən etibarən avtonəqliyyat vasitələrinin hərəkəti tam olaraq məhdudlaşdırılıb.

Məhdudiyyət təmir işləri bitənə qədər qüvvədə olacaq.