Bu məhlə biabırçı gündədir | Digah sakinləri etiraza qalxdı

Abşeron rayonu, Digah qəsəbəsi, Səxavət Məmmədov küçəsində yaşayan üç minə yaxın sakin yollarının bərbad vəziyyətdə olmasından şikayətçidirlər.

Onlar iddia ediblər ki, uzunluğu bir kilometrə yaxın olan yol 23 ildir ki, asfaltlanmır:

“Bu yol bizi bezdirib. Uşaq vaxtında dərsə gedə bilmir. Taksi çağırırıq, gəlmir. Xəstə olur, təcili tibbi yardım maşını çətinliklə gəlir. Neçə dəfə maşın gəlib yolda batıb”.

Məsələ ilə bağlı Rayon İcra Hakimiyyətindən bildirilib ki, sözügedən ərazinin asfaltlanması 2024-cü il tədbirlər planına salınıb.