Bu qaydalara riayət edin! - Əhaliyə ciddi çağırış

Azərbaycan Minatəmizləmə Agentliyi ötən gün Kəlbəcərdə baş verən mina hadisəsindən sonra növbəti dəfə əhaliyə çağırış ünvanlayıb.

Çağırışda vətəndaşların təhlükəsizlik qaydalarına riayət etmələri, mina təhlükəsi işarələrinin göstəricilərinə diqqətlə yanaşmaları və bələd olmadıqları ərazilərə daxil olmamaları qeyd olunub.

Mina təhlükəsi ilə bağlı mütləq riayət edilməli qaydalar bunlardır:

-Təhlükəli və minalı ərazidə olduğunuzu hiss etdinizsə, dayanın, hərəkət etməyin! 

-Mina hadisəsinin şahidi olduğunuz halda, həmin yerə yaxınlaşıb kömək etməyə cəhd etməyin, özünüzü təhlükəyə atmayın! 

-Dərhal hadisə barədə 805, 102 və ya 112 qaynar xətlərinə məlumat verin!