Çəki artımının və diabetin qarşısını necə ala bilərik? | Alimlər elə şeyi üzə çıxardı ki…

Kanadanın Qərbi Ontario Universitetinin alimləri müəyyən ediblər ki, portağal və naringilərdə olan nobiletin maddəsi çəki artımını ləngidə, şəkərli diabet və ürək-damar xəstəliklərinin inkişaf riskini azalda bilər.

Təcrübə zamanı gəmiricilər iki qrupa bölünüb. Bir qrup siçanlara sitrus meyvələrinin qabıqlarında olan təbii flavonoid – nobiletin verilib. Alimlərin fikrincə, nobiletin qəbul edən gəmiricilərin çəkisi artmayıb. Onlarda aşağı qan lipid səviyyələri və artan insulin həssaslığı da olub.

Maddə piylənmədən əziyyət çəkən heyvanlara verildikdə onların da vəziyyəti yaxşılaşıb. Xüsusilə, damarlardakı yağın miqdarı aşağı düşüb, bu da infarkt və insult riskini azaldıb.

Flavonoidin müalicəvi təsirinin mexanizmlərini müəyyən etmək üçün alimlər onun insanlara təsirini öyrənməyi planlaşdırırlar.