Pleyeri seçin:
Çəkilişi görəndə aradan çıxdı | “Koroğlu” metrosunun yaxınlığındakı qanunsuzluğun ifşası - Baku TV
Ziya Bünyadov prospektindən Koroğlu istiqamətində, “Koroğlu” metrostansiyasının yaxınlığında yerləşən boş ərazinin parklanma məntəqəsinə çevrildiyi iddia olunur.
Baku TV-nin qaynar xəttinə müraciət edən vətəndaş bildirib ki, ərazi bir şəxs tərəfindən zəbt edilərək avtomobillərin saxlanması üçün istifadə olunur.
Ərazidə aparılan çəkiliş zamanı sahənin zəncirlə bağlandığı və burada parklanma xidməti göstərildiyi müşahidə edilib.
Araşdırma zamanı ərazidə çalışan şəxslə söhbət aparılıb. O bildirib ki, burada Elvin adlı şəxsin tapşırığı ilə işləyir və toplanan vəsaitdən ona gündəlik ödəniş edir.
Ərazinin sahibi olduğu iddia edilən şəxs isə avtomobillərdən ödəniş alınmadığını, yalnız nəzarət edildiyini bildirib.
Məsələ ilə bağlı Azərbaycan Yerüstü Nəqliyyat Agentliyindən verilən məlumata görə, sözügedən ərazidə AYNA tərəfindən hər hansı parklanma təşkil edilməyib və bu fəaliyyət üçün qurum tərəfindən icazə verilməyib.
Kopyalandı
Seçilmişlər
