Cərrah və tibb heyəti görün necə cəzalandırıldı | Yoxlama keçirildi, qərar verildi

Əməliyyat otağında doğum günü münasibətilə tibb işçilərinin sürpriz etdiyi cərrah mama-ginekoloq Ləman Əliyeva 500 manat məbləğində cərimələnib.

Bu barədə "Report"un sorğusuna cavab olaraq Səhiyyə Nazirliyinin tapşırığı əsasında Analitik Ekspertiza Mərkəzindən bildirilib.

Qeyd olunub ki, faktın ətraflı araşdırılması məqsədilə Mərkəz “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Qanuna müvafiq olaraq hadisə baş verən özəl tibb müəssisəsində plandankənar yoxlama keçirib.

Xidməti yoxlama zamanı inzibati xətanın törədilməsi faktı aşkarlanıb və bununla əlaqədar işçi heyətin 4 məsul üzvünə İnzibati Xətalar Məcəlləsinin 215.3-cü maddəsi ilə İxtisaslaşdırılmış tibbi yardımın “Əhalinin sağlamlığının qorunması haqqında” Qanunda nəzərdə tutulan qaydada göstərilməməsinə görə 500 manat cərimə olunub. İş üzrə inzibati xəta haqqında protokollar tərtib edilərək aidiyyəti üzrə Səhiyyə Nazirliyinə növbəti icraata göndərilib.