Ceyhun Məmmədov : Sosial şəbəkələri söyüş meydanına çeviriblər

“Xaricdə oturaraq Azərbaycana qarşı təbliğat aparan insanlarla bağlı məsələni qeyd etmək istəyirəm. Davamlı olaraq ölkə rəhbərliyinin, dövlət məmurlarının ünvanlarına hədyan və təhqirlərin yağdırıldığının şahidi oluruq. Tənqid normaldır, amma təhqir qəbuledilməzdir”.

Bunu Milli Məclisin iyunun 23-də keçirilən iclasında millət vəkili Ceyhun Məmmədov deyib.

Deputatın sözlərinə görə, xaricdə olan, eləcə də daxildəki bir sıra qüvvələr sosial şəbəkələri söyüş meydanına çeviriblər.

C.Məmmədov aidiyyəti qurumlara müraciət edərək, onları saxta məlumat yayan, ölkənin təhlükəsizliyini təhdid edən platformaların bağlanılması ilə bağlı tədbir görməyə çağırıb.