Pleyeri seçin:
DSMF daxmada yaşayan 5 oğul və ataya müavinət təyin etdi - Baku TV
Bir neçə gün əvvəl Gəncə şəhəri Azərbaycan bayrağı küçəsində yaşayan Urfan Qasımov Baku TV-nin qaynar xəttinə müraciət edib.
Vətəndaş müraciətində bildirib ki, anası tərəfindən tərk edilən 5 azyaşlı oğluna təkbaşına baxır, ailənin sosial durumu çox ağırdır.
Ata ailənin mövcud vəziyyəti ilə əlaqədar Baku TV vasitəsilə aidiyyəti qurumlardan kömək istəmişdi.
Çox keçmədi ki, vətəndaşın sosial probleminə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən müsbət cavab verildi.
“Ailəyə 1 noyabr 2025-ci il tarixindən bir il müddətinə ayda 569 manat məbləğində sosial yardım təyin edilib”, – deyə qurumdan bildirilib.
Kopyalandı
#Gəncə teqi istifadə olunub
