Elə bil vazelindir, amma... | Satışdakı kərə yağlarına qatılanlar barədə dəhşətli fakt

Qida Təhlükəsizliyi Agentliyinin həyata keçirdiyi nəzarət tədbirləri çərçivəsində satışa çıxarılan bir sıra kərə yağlarının tərkibində uyğunsuzluq aşkarlanıb.

AQTA-nın mətbuat katibi İlkin Kərimov deyir ki, kərə yağı adı ilə satılan məhsul partiyalarında bitki sterini – “Kampesterin” aşkarlanıb, həmçinin yağ turşuları üzrə uyğunsuzluğa rast gəlinib.

“Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması ilə bağlı məhdudlaşdırıcı qərar qəbul edilib. Belə ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edilsə də, yoxlama zamanı məhsulun faktiki tərkibinə bitki yağının qatılması halı aşkar edilib”, – o əlavə edib.

Bəs həqiqi kərə yağını necə ayırd etmək olar?