Erməni cinayətlərinin qurbanları ifadə verdilər

Ermənistan vətəndaşı Ruben Vardanyanın sülh və insanlıq əleyhinə, eləcə də müharibə cinayətləri və terrorçuluq maddələri ilə ittiham olunduğu cinayət işi üzrə məhkəmə prosesi davam edir. Prosesdə Ermənistan ordusunun qalıqları və qanunsuz erməni silahlı dəstələrinin təxribatları nəticəsində zərərçəkmiş şəxslər ifadə veriblər. Qurbanlar Ağdam, Ağdərə, Kəlbəcər, Xocavənd və Laçın istiqamətlərində minaatan və odlu silah atəşi nəticəsində necə yaralandıqlarını danışıblar. Zərərçəkmiş Kamiz İbayev Kəlbəcərdə əsir götürüldüyü zaman döyüldüyünü və işgəncələrə məruz qaldığını bildirib. Sərxan Rəhimov isə yaralıları təxliyə edən tibb maşınının atəşə tutulması nəticəsində özünün yaralandığını, təxliyə edilməli olan şəxslərin isə vəfat etdiyini vurğulayıb. Məhkəmənin növbəti iclası oktyabrın 21-nə təyin edilib.