Erməni təxribatının detalları məlum oldu

"Laçın istiqamətində bugünkü insident bir qrup erməni hərbçinin mövqelərimizə yaxınlaşaraq mühəndis istehkam qurğularının tikintisinə hazırlıq görməsi ilə başladı". Bu barədə “Caliber” özəl mənbələrə istinadən yazıb.

“Hərbçilərimizin onlara geri çəkilmə ilə bağlı sərt xəbərdarlığına cavab olaraq Ermənistan tərəfi mövqelərimizi intensiv atəşə tutub. Məhz bundan sonra gərgin döyüş başlayıb. Döyüş zamanı Ermənistan tərəfi artilleriya və pilotsuz uçuş aparatlarından istifadə edib. Bununla yanaşı, düşmənin canlı qüvvəsi və ağır texnikasının Laçın istiqamətində cəmləşməsi qeydə alınıb. Güman etmək olar ki, Ermənistan tərəfi ciddi hərbi əməliyyata hazırlaşır. Aprelin 11-də baş verənlər Azərbaycanın ərazi bütövlüyü və suverenliyinə qəsddir və Ermənistan buna görə çox ciddi cavab verəcək, - deyə “Caliber”dən bildirilib.