Ermənistanın hələ də işğal altında saxladığı kənd

Bağanıs Ayrım qətliamından 34 il keçir.

1990-cı il martın 24-də 5-i bir ailənin üzvü olmaqla 7 nəfər erməni ordu birləşmələrinin hücumu nəticəsində insanlığa sığmayan işgəncələrlə qətlə yetirilib, 2 nəfər güllələnib.

“Nənəmin, anamın qulağını kəsmişdilər, vəhşicəsinə qarnını yarıb daşa kimi doldurmuşdular. 12 yaşım var idi. Heç xəbərim yox idi ki, anamgili yandırıblar. Sonradan bizə dedilər ki, Dadaş kişinin ailəsini yandırıblar”, – Bağanıs Ayrım kəndinin sakini Ənvər Əsgərov deyib.

Bu hadisədən sonra Bağanıs Ayrım ermənilər tərəfindən işğal olunub. Elə o zamandan bu kəndin sakinləri Qazaxın müxtəlif ərazilərində məcburi köçkün kimi yerləşdirilib.

Hazırda onlar rayonun işğal altında olan 7 kəndinin sakinləri üçü salınmış qəsəbədə yaşayırlar. Bağanıs Ayrımdan olan sakinlər indi doğma kəndlərinin azad olunması xəbərini səbirsizliklə gözləyirlər.