Fazil Mustafadan qanun pozuntuları ilə bağlı yeni təklif | Bəzi ərazilərdə zibil qutuları yoxdur

“Tullantılar haqqında qanunvericiliyin pozulmasına diqqət yetirməliyik. Bir çox ərazilərdə tullantı qabları olduqca azdır və insanlar əllərindəki zibilləri atmağa yer tapmırlar. Fikrimcə, əsas yerlərdə bir neçə tullantı qabları yerləşdirilməlidir. Bununla bağlı icra orqanlarının, bələdiyyələrin məsuliyyəti artırılmalıdır”.

Bu fikirləri Milli Məclisin deputatı Fazil Mustafa deyib.

“Mayelərin atılması məsələsinə də diqqət yetirilməlidir. Zibil daşıyan adam butulkadakı suyu yerə boşaltdı deyə məsuliyyətə cəlb olunması hansı məntiqə uyğundur? Burada düzəliş edilərək zərərli mayelər ifadəsi yazılmalıdır. Texniki yağ, benzin, dizel və s. bu kimi zərərli maddələrə daxildir”, – deyə F.Mustafa bildirib.