FETÖ ilə əlaqələri olduğu deyilən Qubad İbadoğlu ilə bağlı önəmli fakt

Bir neçə gün əvvəl həbs edilən iqtisadçı Qubad İbadoğlunun FETÖ ilə əlaqələrinin olduğu iddia edilib.

Lent.az-ın məlumatına görə, Daxili İşlər Nazirliyinin açıqlamasında qeyd olunub ki, Türkiyə Daxili İşlər Nazirliyindən daxil olan məlumatı əsasında ölkəmizdə FETÖ ilə əlaqəli olan şəxslərə qarşı əməliyyat tədbirləri keçirilib.

Saxlanılan 5 nəfərdən biri Qubad İbadoğlu ilə əlaqəsinin olması barədə ifadə verib. Həmin ifadə əsasında Qubad İbadoğlunun ofisində axtarış aparılıb, iş üzrə zəruri əhəmiyyət kəsb edən sənədlər aşkarlanıb, Qubad İbadoğlu saxlanılıb və barəsində 4 aylıq həbs qətimkan tədbiri seçilib.

Qeyd edilir ki, Qubad İbadoğlu 2008-2009-cu tədris ilində Amerika Birləşmiş Ştatlarının Şimali Karolina Universitetində çalışıb. Bu universitetin adı daim FETÖ üzvlərinə yaxınlığı ilə hallanıb. 2015-2016-cı illərdə Dyuk Universitetində, 2018-2021-ci illərdə isə Ratqers Universitetində işləyib. 2019-cu ilin iyulun 23-də “Fetogercekleri.com” saytında dərc olunan “ABŞ professorlarından FETÖ manipulyasiyası – FETÖ gerçekleri” başlıqlı məqalədə 15 iyul çevriliş cəhdindən sonra 50 professorun hüquq-mühafizə orqanlarının xaric edilən əməkdaşlarına dəstək məktubu yayımlanıb.

Məktubların müəllifləri siyahısında Şimali Karolina Universitetinin professoru Cozef Kunsun və Ratqers Universitetinin professorları Kolin Çin və Ron Klarkın adları da var.