Gənclər dini təhsili niyə Qumda alır?

“Başqa ölkələrdə dini təhsil alanlar həmin ölkələrin dövlət-din modelini mənimsəyirlər. Geri qayıdıb məsciddə çalışanda orada oxuduqlarını və gördüklərini təbliğ edirlər”.

Bu fikirləri jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib. Komitə sədri qeyd edib ki, gənclər əvvəllər Azərbaycanda dini təhsilin ödənişli olması səbəbindən xarici ölkələrə, o cümlədən İrana üz tuturdu.

“Artıq 5 ildir Azərbaycan İlahiyyat İnstitutu fəaliyyət göstərir. Təhsil tam ödənişsizdir. Tələbələr təqaüd və yataqxana ilə təmin edilir. Eləcə də din sahəsində bakalavr və magistr üzrə kadrlar hazırlanır və onlar öz ixtisaslarını artırmaq üçün digər ölkələrə gedirlər”, - deyə M.Qurbanlı əlavə edib.