Görənlərin ürəyini ağzına gətirən hadisə | Ata övladının həyatını necə riskə atdı?

Daxili İşlər Nazirliyinin Baş Dövlət Yol Polisi İdarəsi valideynlərə və qəyyumlara çağırış edib.

Müraciətdə deyilir:

"Təəssüf ki, bəzən valideynlər, xüsusilə də velosiped, moped və ya motosikletlə hərəkət edən şəxslər təhlükənin fərqində olmadan azyaşlı övladlarını bu nəqliyyat vasitələrinin arxasında və ya əlavə oturacaq hissəsində daşımaqla onların həyatını ciddi təhlükə altına atırlar.

Şübhəsiz ki, heç bir valideyn övladına zərər vermək istəmir, əksinə, onu çox sevir, qoruyur. Lakin bəzən edilən hərəkət, yəni təhlükə ehtimalı olan şəraitdə uşağı velosiped və ya motosikletlə aparmaq bu sevginin əksi olan bir davranış kimi qiymətləndirilə bilər.

Baş Dövlət Yol Polisi İdarəsi bir daha bütün valideynlərə və qəyyumlara çağırış edir: heç bir səbəb – tələsiklik, məsafənin yaxın olması və ya şəxsi rahatlıq uşaqların həyatını təhlükəyə atmağa haqq qazandırmır. Qaydalara əməl etməklə faciədən yayınmaq mümkündür".