“Gündə 10 min cüt istehsal edirik” | Xankəndidə yeni müəssisə fəaliyyətə başladı - Baku TV

Xankəndidə iş əlcəklərinin istehsalı ilə məşğul olan “GP Safety” müəssisəsi gələcəkdə fəaliyyət miqyasını genişləndirmək niyyətindədir.

Bu barədə müəssisənin əməkdaşı Elvin Allahverdiyev məlumat verib.

Onun sözlərinə görə, zavodda Çin istehsalı olan müasir və avtomatlaşdırılmış avadanlıqlardan istifadə edilir və hazırda burada 35 nəfər işçi çalışır:

“Müəssisədə gün ərzində 10 min cüt iş əlcəyi istehsal olunur. Hazırda 4 çeşiddə məhsul hazırlayırıq. Yaxın gələcəkdə həm çeşidlərin sayını və təyinatını, həm də istehsal gücümüzü və işçi heyətimizi artırmağı planlaşdırırıq”.

E.Allahverdiyev şirkətin əsas hədəflərini də açıqlayıb. O bildirib ki, müəssisə ilkin mərhələdə Azərbaycanın daxili bazarının tələbatını tam ödədikdən sonra məhsullarını Avropa başda olmaqla, xarici bazarlara ixrac etməyi qarşısına məqsəd qoyub.