Hamiləlikdən 3 ay əvvəl başlasanız... | Alimlərdən sirli pəhriz

Sağlam qidalanma körpənin cinsiyyətində mühüm rol oynayır. Hamiləlikdən ən az üç ay əvvəl başlayan pəhriz ilə uşağın cinsinə təsir etmək 80 % mümkündür.

Ginekologiya və doğuş üzrə mütəxəssis professor Qazi Yıldırım bu çərçivədə körpə istəyən cütlüklərə mühüm məsləhətlər verib. Oğlan istəyənlər üçün meyvə və tərəvəz önəmlidir. Südlü desertlərə üstünlük verilə bilər. Sağlamlıq riski yoxdursa, bütün qidalar mümkün qədər duzlu istehlak edilməlidir.

Çay, qəhvə, təbii şirə içilməlidir. Kərə yağı və südsüz kremlər istehlak edilə bilər. Qırmızı ət və toyuq yemək olar. Duzlu və qurudulmuş balıq istehlak etmək tövsiyə edilir. Konservləşdirilmiş sardina, qızılbalıq, ton balığı və skumbriya məsləhətlidir. Yumurta isə həftədə bir və ya iki dəfə digər qidalarla birlikdə istifadə edilə bilər. Düyü, un və manna yarmasından istifadə etməyə icazə verilir. Normal çörək, südsüz peçenye, duzlu qəlyanaltı, pendirsiz biskvitlər də olar.

Mütəxəssisin sözlərinə görə, kələm, lobya, noxud, mərci və qarğıdalını istədiyiniz qədər yeyin. Bütün meyvələr istehlak edilə bilər. Qurudulmuş meyvələr arasında gavalı, üzüm, xurma, əncir, şabalıd və ərik tövsiyə olunur. Sarımsaq, razyana, keşniş, cirə, dəfnə, ətirli bibər, zəncəfil, muskat qozu, qırmızı bibər, mixək və nanə də məsləhət görülür.

Qız istiyənlər isə meyvələri təzə və ya kompot şəklində istehlak edə bilər. Daha çox turş meyvələrə üstünlük verilməlidir. Gündə ən az bir litr süd istehlak etmək tövsiyə olunur. Sutka ərzində maksimum 130 qram ət istehlak ediməlidir. Mal, dana, quş, quzu, qoyun əti arzuolunandır.

Gündə maksimum 130 qram balıq yeyilə bilər. Təzə və ya dondurulmuş balıq qaynadılmış və duzsuz istehlak edilməlidir. Yumurta istifadəsi limitsizdir, lakin duz və pendir yemək olmaz. Duzsuz yağ və qatıq istehlak edilə bilər. Ancaq bütün pendirlər və dondurmalar qadağandır. Duzsuz çörək yeyilməlidir. Çörək evdə hazırlanırsa, maya istifadə olunmamalıdır.

Düyü, makaron, un və qarğıdalı nişastasına icazə verilir. Qurudulmuş lobya, mərci və noxud istehlak etməyin. Kartof gündə maksimum 150 qram, həftədə isə 3 dəfə yemək olar. Yerkökü, yaşıl lobya, çuğundur, soğan, xiyar, turp və bibər hər 15 gündən bir istehlak edilməlidir.

Qoz, fındıq, badam və fıstıq duzsuz istehlak edilə bilər. Ümumiyyətlə, qız istəyənlərə bütün qidaları duzsuz qəbul etmək məsləhət görülür.