Körpənin inkişafına mane olan amillər üzə çıxdı | Hamilələrin diqqətinə

Hamiləlik dövrü qadınlar üçün həyatlarının ən həssas və vacib mərhələlərindən biridir.

Bəzi qidalar hamiləlik zamanı qadınların sağlamlığına və körpənin inkişafına mənfi təsir göstərə bilir.

Ekspertlərin fikrincə, çiy və ya az pişmiş ət, balıq və yumurta, listeriya, toksoplazma və salmonella kimi infeksiyalara səbəb ola bilər ki, bu da körpənin sağlamlığını təhlükə altına ata bilər.

Yüksək miqdarda duzlu qidalar və "fast-food" qan təzyiqini artıraraq hamilə qadında hipertoniya yaratmaq riski daşıyır. Bu həm ana, həm də körpə üçün ziyandır.

Pasterizə edilməmiş süd və süd məhsulları listeriya infeksiyası kimi təhlükələrə gətirib çıxara bilər. Bu infeksiya hamiləlik dövründə ciddi fəsadlar yarada bilər. Zəncəfil hamiləlik dövründə erkən doğuş riskini artırma potensialına sahibdir. Xüsusilə yüksək dozada istehlak edildikdə zəncəfilin uterus tonusunu artıraraq doğuşu stimullaşdırması mümkündür.

Hamiləlik zamanı yüksək miqdarda kofein istehlakı dölün inkişafına mənfi təsir göstərə bilər və həmçinin düşüklərə səbəb ola bilər.

Alkol istifadəsi isə fiziki və zehni geriliklər, doğuşdan sonra problemlər və müxtəlif inkişaf pozuntuları ilə nəticələnə bilər. Yüksək şəkərli qidalar və içkilər hamiləlik dövründə şəkərli diabet riskini artıra və körpənin çəkisinin normadan çox olmasına gətirib çıxara bilər. Bu da doğuş zamanı problemlərə yol aça bilər.

Ekspertlərin sözlərinə görə, hamilə qadınlar hər hansı bir qida məhsulunu qəbul etməzdən əvvəl həkimləri ilə məsləhətləşməli və yalnız təhlükəsiz, sağlam qidalar istehlak etməlidirlər.

Sağlam qidalanma və düzgün həyat tərzi, həm ananın, həm də körpənin sağlamlığını təmin etmək üçün vacibdir.