HDQ-nin dalğıc heyəti ilə təlim-metodiki toplanış keçirilib | Tapşırıqlar yerinə yetirildi

Hərbi Dəniz Qüvvələrinin dalğıc heyəti ilə toplanış keçirilib.

Müdafiə Nazirliyinin yaydığı məlumata görə, tibb personalı tərəfindən müayinədən keçən dalğıclar tapşırıqları icra etməyə buraxılıb. Heyətin işarələrlə xəbərləşmə və idarəetmə bacarıqları qənaətbəxş hesab edilib.

Bildirilib ki, cari mərhələdə sualtı hərəkət vasitələri və digər axtarış üsullarından istifadə edərək batmış obyektin axtarışı, tapılması və su üzərinə qaldırılması üzrə praktiki tapşırıqlar yerinə yetirilib.

Bundan başqa, toplanış zamanı barokamerada insan orqanizminin yüksək təzyiqə uyğunlaşdırılması, qəzalı dalğıca ilk yardımın göstərilməsi üzrə nəzəri və praktiki məşğələlər yerinə yetirilib.

Qeyd edək ki, toplanışın əsas məqsədi dalğıc heyətinin ixtisas hazırlığının artırılması, eləcə də bilik və bacarıqlarının təkmilləşdirilməsidir.