Həkimlərdən həyəcan təbili | Əvəzedici dərmanlarla bağlı açıqlama

Bəzən apteklərdə həkimin yazdığı dərman olmadıqda əczaçılar müştəriyə onun əvəzedicisini təklif edirlər.

Həkimlər bildiriblər ki, təklif edilən dərman xəstənin dərdinə çarə olmaq əvəzinə tamamilə əks təsir göstərə bilər.

Həkim Abbas Bağırov qeyd edib ki, əvəzedici dərmanlar çox ciddi fəsadlara yol aça bilər, hətta müalicənin gedişatını ağırlaşdıra bilər.

Həkim onu da əlavə edib ki, dərmanların tərkibi eyni yazılsa da, təsiredici maddə kifayət qədər az olur. Həmin dərmanlar qaraciyər və mədə-bağırsaq sistemində narahatlıq yarada, qanaxmalara səbəb ola bilər.

Odur ki, apteklərdə təklif olunan əvəzedici dərmanları resepti təyin edən həkimlə məsləhətləşmədən almamağınız tövsiyə olunur.