Hərbçilərimiz hədəfləri məhv etdi | "EFES - 2024"dən görüntülər
Müxtəlif ölkələrin hərbi qulluqçularının cəlb olunması ilə Türkiyədə keçirilən “EFES-2024” çoxmillətli təlimində növbəti tapşırıqlar icra olunub. Bu barədə Müdafiə Nazirliyindən məlumat verilib.
Təlim planına əsasən, iştirakçı ölkələrin hərbi qulluqçuları müxtəlif çaplı atıcı silahlardan praktiki atışlar icra ediblər.
Bundan əlavə, yaşayış məntəqəsində döyüşün aparılması və şərti düşmənin zərərsizləşdirilməsi, yaralı hərbi qulluqçuya ilkin tibbi yardımın göstərilməsi və onun təxliyə olunması üzrə tapşırıqlar uğurla yerinə yetirilib.
Azərbaycan Ordusunun hərbi qulluqçuları digər iştirakçılarla birgə qarşıya qoyulan tapşırıqları müvəffəqiyyətlə yerinə yetiriblər. Qeyd edilib ki, qarşılıqlı təcrübə mübadiləsinin aparılması, iştirakçı ölkələrin hərbi qulluqçularının birgə fəaliyyətinin təşkili, qərargah zabitlərinin xəritə üzərində qərar qəbuletmə bacarıqlarının artırılması, həmçinin onların peşəkarlıq və hazırlıq səviyyəsinin daha da təkmilləşdirilməsi məqsədilə keçirilən beynəlxalq təlim mayın 30-dək davam edəcək.
#EFES-2024 teqi istifadə olunub
- Türkiyənin çoxmillətli “EFES-2024” təlimində Müşahidəçi Günü keçirildi
- MN və DSX-nin rəhbər heyəti Türkiyədə | “EFES-2024” təlimindən görüntülər
- Hərbçilərimiz Türkiyədə keçirilən "EFES-2024" təlimlərində iştirak etdi
- "EFES-2024" təliminə cəlb edilən hərbçilərimiz Türkiyəyə yola düşdü
- Müdafiə Nazirliyi məlumat yaydı | “EFES - 2024” təlimləri davam edir
