İşğaldan azad edilən ərazilərdə yenidənqurma işləri davam edir

İşğaldan azad edilən Ağdam rayonunda yenidənqurma işləri davam edir.

Belə ki, Bərdə-Ağdam dəmir yolu xəttinin layihələndirmə işlərinin 90 faizi icra olunub. Artıq dəmir yolu xətti üzərində 3 körpünün icrası başa çatıb.

“Bərdə-Ağdam dəmir yolunun ümumi ox üzrə uzunluğu 47,1 kilometrdir. Yan yolları ilə birlikdə isə 57,8 kilometr dəmir yolunun tikintisi nəzərdə tutulur. Artıq yolun 56,9 kilometri hazırdır”, – deyə “Azərbaycan Dəmir Yolları” QSC-nin tikintiyə nəzarət idarəsinin rəhbəri Tural Abbaslı jurnalistlərə açıqlamasında bildirib.

Ağdam Muğam Mərkəzinin də tikintisi davam edir. Muğam Mərkəzi iki mərtəbədən ibarətdir. Burada sinif otaqları, rəqs təlimi otaqları, iclaslar üçün otaqlar, böyük konsertlər üçün zallar olacaq.

Həmçinin açıq havada amfiteatrın inşa olunması nəzərdə tutulub. Eyni zamanda yerüstü dayanacağın da tikintisi planlaşdırılır.

Mərkəzin inşasının 2024-cü ilin sonunda yekunlaşması nəzərdə tutulur.