İsmayıllıda Heydər Əliyevin 101 illiyi münasibətilə tədbir keçirilib

İsmayıllı Rayon İcra Hakimiyyətinin təşkilatçılığı ilə ümummilli lider Heydər Əliyevin anadan olmasının 101 illiyi münasibətilə tədbir keçirilib.

Tədbirdə İsmayıllı Rayon İcra Hakimiyyətinin başçısı Nahid Bağırov, hüquq-mühafizə orqanlarının rəhbərləri, idarə, müəssisə və təşkilat rəhbərləri, rayon ictimaiyyətinin nümayəndələri iştirak ediblər.

Tədbir iştirakçıları ulu öndərin abidəsini ziyarət edib, önünə gül dəstələri düzülüb.

Sonra Heydər Əliyev Mərkəzində dahi rəhbərin həyat və fəaliyyətinə həsr olunmuş sərgiyə və filmə baxış keçirilib.

Tədbirdə həmçinin ümummilli lider Heydər Əliyevin anadan olmasının 101-ci ildönümünə həsr olunmuş şeir və rəsm müsabiqələrinin qaliblərinin əl işlərinə baxılıb, şeirləri dinlənilib.

RİH başçısı Nahid Bağırov YAP-nın yeni üzvlərinə partiyanın üzvlük vəsiqələrini təqdim edib.

Daha sonra İsmayıllı Rayon Mədəniyyət Mərkəzinin foyesində ulu öndər Heydər Əliyevin həyat və fəaliyyətindən bəhs edən kitab və rəsm əsərlərindən ibarət sərgiyə baxış keçirilib.

Tədbir Mədəniyyət Mərkəzində keçirilən bayram konserti ilə davam etdirilib.

Konsertdə ulu öndərə həsr edilmiş mahnılar və şeirlər səsləndirilib, rəqs nömrələri izlənilib.