Pleyeri seçin:
“İstirahətsiz işləyirdi” | Həsən bəy Zərdabinin keşməkeşli həyatı barədə bilinməyənlər
Azərbaycan mətbuatının banisi Həsən bəy Zərdabinin qohumu, onun nəslinə gəlin gəlmiş Südabə İsmayılova ailə xatirələrini Baku TV-yə bölüşüb.
Onun dediyinə görə, Həsən bəy həyatını maarifçilik və cəmiyyətə xidmətə həsr etdiyi üçün sağlamlığına ciddi yanaşmırmış:
“Qayınanam danışardı ki, Həsən bəy heç vaxt öz sağlamlığına fikir verməzdi. Gecə-gündüz işləyərdi, özünə istirahət etməzdi. 1907-ci ildə iflic oldu və Bibiheybət məscidi yaxınlığındakı qəbiristanlıqda dəfn edildi. Lakin qəbiristanlıq dağıldıqdan sonra onun sümüklərini evə gətirdik”.
Südabə İsmayılovanın sözlərinə görə, bu hadisə ailə üzvləri üçün dərin iz qoyub:
“Qızı Qəribsoltan xanım deyirdi ki, atamın sümüklərini görəndə saçım bir gündə ağardı. O, bu sümükləri 20 ilə yaxın evində saxladı. Daha sonra isə Həsən bəy Zərdabi İkinci Fəxri xiyabanda dəfn edildi. İndi orada uyuyur”.
Kopyalandı
Seçilmişlər
