Kirayə mənzillər ucuzlaşacaq?

Vergi Məcəlləsində edilmiş dəyişiklik əsasında yanvarın 1-dən etibarən yaşayış sahələrinin satmaq öhdəliyi ilə kirayəçilərə təqdim edilməsi əməliyyatı ƏDV-dən azad olunub.

Söhbət kirayə üzrə əməliyyatın 18 faizlik vergidən azad edilməsindən gedir. Artıq bu qaydalar yanvar ayından qüvvəyə minib. Məsələyə münasibət bildirən millət vəkili Vüqar Bayramovun sözlərinə görə, İpoteka və Kredit Zəmanət Fondunun kirayə mənzillər layihəsindəki qiymətlərin yuxarı olması uzun müddətdir müzakirə olunan məsələlərdən biri idi.

Əmlak eksperti Ramil Quluzadə isə deyir ki, İpoteka və Kredit Zəmanət Fondunun layihələrini həyata keçirən tikinti şirkətləri Fonda təhvil verdikləri mənzilləri ƏDV daxil olmaqla təqdim edirdilər.

Ekspert onu da əlavə edib ki, Vergilər Məcəlləsində edilən bu dəyişiklikiyin ölkədəki kirayə və mənzil bazarına təsiri gözlənilmir. Burada əsas problem təklifin tələbi ödəyə bilməməsidir. Əhali öz qiymətinə mənzil axtarışındadır, şəhər mərkəzlərində isə nəinki mənzil, heç boş otaq da qalmayıb.