Kofein həssaslığı olanlara xəbərdarlıq | Bu simptomlarla qarşılaşsanız...

Kofein dözümsüzlüyünə genetik meyillər səbəb olur.

Məsələn, “ADORA2A” geninin müəyyən variantı olan insanlarda hətta kiçik dozada kofein belə əhəmiyyətli yan təsirlərə gətirib çıxara bilər.

Rusiyalı bioloq Yekaterina Surkova bildirib ki, kofein beyin qabığında həyəcanlanma proseslərini gücləndirir. Əsas təsirini isə başqa bir maddənin – adenozinin reseptorlarını bloklamaqla göstərir. Nəticədə, rahatlama halının qarşısı alınır, diqqət və reaksiya vermə sürəti artır.

“Bəzi insanlarda kofeinə qarşı yüksək həssaslıq müşahidə olunur və bir fincan qəhvə belə onlarda xoşagəlməz simptomlar yarada bilər. “ADORA2A” geninin müəyyən variantı olan insanlarda hətta kiçik dozalarda kofein belə əhəmiyyətli yan təsirlər ortaya çıxarar, məsələn, əsəbilik, narahatlıq, ürək döyüntüsünün artması, yuxusuzluq yaranar”, – deyən Y.Surkova əlavə edib ki, qəhvə içdikdən sonra yaranan xoşagəlməz simptomlar DNT ardıcıllığının fərdi xüsusiyyəti ilə əlaqələndirilir. Kofein dözümsüzlüyünə genetik meyli bilməklə qidalanma rejimini yenidən nəzərdən keçirmək mümkündür, çünki kofein təkcə qəhvədə deyil, bir sıra digər qida və içkilərin tərkibində də var.