Qanda qlükozanın artma səbəbləri | Bu yeməklərdən uzaq durun, yoxsa...

Alkoqol, qızardılmış qidalar, kofein, rafinə edilmiş karbohidratlar, şəkər və duzluluq miqdarı yüksək olan məhsullar kortizol kimi stres hormonlarının ifrazını stimullaşdıra bilər.

Bu barədə amerikalı diyetoloq Şelli Bolls məlumat verib. Onun sözlərinə görə, rasionda yüksək şəkər miqdarına malik çoxlu bişmiş məmulatların, çörək və sənaye üsulu ilə hazırlanan şirniyyat və içkilərin olması qanda qlükoza səviyyəsinin artmasına səbəb olur. Bu da qəzəb, narahatlıq və əsəbilik kimi əhvali-ruhiyyə pozuntularına yol aça bilər.

Diyetoloq onu da əlavə edib ki, rafinə edilmiş karbohidratlar və alkoqol iltihab və şəkər dalğalanmalarının əsas səbəbkarları kimi göstərilir. Orqanizmdə ümumi iltihabi reaksiyalar, həmçinin duzlu, qızardılmış qidaların və kofeinin həddindən artıq istifadəsi zamanı da güclənə bilər.

Mütəxəssisin fikrincə, toyuq və kəsmikdəki yağsız proteinlər, qoz-fındıq və balıqda olan faydalı yağlar, eləcə də liflə zəngin meyvə və tərəvəzlər iltihab əleyhinə təsir göstərərək stresin azaldılmasına kömək edə bilər.