Körpələr üzərində təcrübə aparıldı | Uşaqlarla bağlı yeni araşdırma

Tədqiqatçılar müəyyən ediblər ki, körpələr nitq səslərini ayırd etməyi və onları dodaq və dil hərəkətləri ilə əlaqələndirməyi dörd aydan əvvəl öyrənməyə başlayırlar.

Əvvəllər elm adamları hesab edirdilər ki, bu proses uşaqlar öz ana dilinə köklənməyə başlayanda, 6 ilə 12 ay arasında baş verir. Amma yeni araşdırmalar göstərir ki, səslərin necə əmələ gəldiyini təhlil etmək bacarığı ondan çox əvvəl yaranır.

Təcrübədə 4-6 aylıq 34 körpəyə iki süni dil öyrədilib. Sözlər şəkillərlə müşayiət olunub. Daha sonra uşaqlara öyrəndikləri dillərdən yeni sözləri tələffüz edən şəxsin videosu nümayiş etdirilib. Uşaqlar artikulyasiyanın əvvəllər öyrəndikləri ilə uyğunlaşdığı videolara daha çox baxıblar. Bu o deməkdir ki, körpələr sadəcə səsləri passiv şəkildə dinləmirlər, həm də vizual məlumatlarla müqayisə edərək onları aktiv şəkildə təhlil edirlər.

Bu qabiliyyətin erkən inkişafı nitq pozğunluqlarının diaqnostikasına və korreksiyasına kömək edə bilər.