Laçında hansı mühüm işlər görüləcək? | Suverenliyimizin bərpasında tarixi mərhələ

Laçın rayonunda həyata keçirilən genişmiqyaslı bərpa və quruculuq işləri Azərbaycanın suverenliyinin tam bərpası yolunda tarixi bir mərhələni təşkil edir. Baku TV-nin xüsusi reportajında qeyd olunur ki, 2025-ci ilin sonuna qədər Laçında bərpa işlərinin birinci fazası uğurla başa çatıb. Bu çərçivədə 3 kənd tamamilə yenidən qurulub, 30-dan çox sənaye müəssisəsi istifadəyə verilib, müasir hotel kompleksi və yeni beynəlxalq hava limanı sakinlərin və qonaqların ixtiyarına verilib. Süjetdə Laçının təkcə yaşayış məkanı deyil, həm də beynəlxalq mədəni dialoq mərkəzinə çevrilməsi strateji hədəf kimi göstərilir. Gələcək planlar arasında müasir kanat yolunun inşası, Güləbird, Şəlvə və Pircahan kəndlərində tikinti prosesinin başladılması, habelə şəhərin turizm potensialını artıracaq tramvay xəttinin çəkilməsi yer alır. Laçının dirçəlişi Azərbaycanın iqtisadi gücünün və Qarabağda dövlət suverenliyinin sarsılmazlığının rəmzi kimi təqdim olunur.