Pleyeri seçin:
Lüks həyatdan dəmir barmaqlıqlara | "Övladımı tələf etmək istəyirdim" - ARZUNUN VAXTI
“Arzunun vaxtı” verilişinin yeni buraxılışı yayımlanıb.
Proqramda bu dəfə adının bilinməsini istəməyən keçmiş məhkum həyat hekayəsini danışıb.
Ərinin xəyanətinə görə ondan ayrıldığını söyləyən keçmiş məhkum bundan sonra həyatının məhv olduğunu deyib:
“Yoldaşım qohumumuz idi. Ailələrimizin təkidi ilə evlənmişdik. İlk vaxtlar hər şey yaxşı idi, lüks həyat yaşayırdım, sonra isə ərim mənə xəyanət etdi. Ondan ayrılanda uşaqlarımı əlimdən aldı. Bundan sonra həyatım darmadağın oldu”.
Onun sözlərinə görə, övladlarını geri almaq üçün başqa bir oğlanla birlikdə olub:
“Düşündüm ki, o mənim çarəm olar, amma yanılmışam. Məni döyərək quldurluğa məcbur etdi. Bu əməli törədəndən sonra polisə təslim oldum və 7 il 3 ay məhkum həyatı yaşadım. Həmin oğlandan hamilə qalmışdım. Övladım həbsxanada dünyaya gəldi. Onu tələf etmək istəyirdim. Oğlum doğulanda da ona yaxın gedə bilməmişdim”.
Kopyalandı
#Keçmiş məhkum teqi istifadə olunub
Seçilmişlər
