Mağaza müdiri çəkilişi görüb hay-küy saldı | Mən sənə cavab verməli deyiləm!

Paytaxtın mərkəzində, hamının “Tarqovı” kimi tanıdığı ərazidə yerləşən məşhur marketlər şəbəkəsinin filialında hazır qidalar vaxtı ötmüş şəkildə satılır.

Baku TV-nin əməkdaşı sözügedən marketdə olub, araşdırma aparıb. Obyekt müdirinin buna reaksiyası isə sərt olub.

Məsələ ilə bağlı marketlər şəbəkəsinin mətbuat xidmətindən bildirilib ki, mağazalarında mütəmadi olaraq keyfiyyətə nəzarət mütəxəssisləri və mağaza əməkdaşları tərəfindən yoxlamalar aparılır:

“Hər hansı uyğunsuzluq olarsa, dərhal aradan qaldırılır. Sözügedən məsələ tərəfimizdən araşdırılıb və zəruri tədbirlər görülüb”.

Azərbaycan Qida Təhlükəsizliyi Agentliyindən isə bildirilib ki, qeyd olunan görüntülər qurum tərəfindən nəzarətə götürülüb:

“Hazırda araşdırmalara başlanılıb. Nəticələr barədə məlumat veriləcək”.