Köhnə tarixi silib, yenisi ilə əvəz edirdik... | "Bazarstore"da vaxtı keçən məhsul satılır?

Sosial şəbəkələrdə paylaşılan video geniş müzakirələrə səbəb olub.

Belə ki, videogörüntüdə alıcılardan birinin “Bazarstore”dən aldığı şirniyyatın üzərində son istifadə tarixinin bitdiyi və üzərinə yeni barkod vurulduğu əks olunub.

Məsələ ilə bağlı “Bazarstore”un cavabı belə olub:

“Öncəliklə sosial şəbəkələrdə paylaşılan video ilə bağlı bizi məlumatlandırdığınız üçün təşəkkür edirəm. Müştərimiz belə bir halla qarşılaşdığı üçün təəssüf edirik. Qeyd olunan məhsul son istifadə tarixini keçməsə də, qablaşdırıldıqdan sonra səbəb hər nə olursa olsun, köhnə etiketin üzərinə vurulmamalı idi.

Tərəfimizdən bu məsələ ilə bağlı araşdırılma aparıldı və məsul şəxslər ilə bağlı ciddi tədbir görüləcək. Həmçinin məhsulu alan müştərimizlə də əlaqə saxlayaraq yaranan narazılığı aradan qaldırmağa çalışırıq. Təəssüf ki, bəzi məqamlarda insan faktoru önə çıxır və bu kimi nöqsanlarla qarşılaşmalı oluruq. Ümid edirik ki, bu, sonuncu belə hal olacaq”.