Məşhur simalar və qurumlar "Şəms" Milli Mükafatının sahibi oldu

Ümumilli Lider Heydər Əliyevin anadan olmasının 100 illik yubleyi və 28 May – Müstəqillik Günü münasibətilə “Şəms” mükafatlandırma mərasimi keçirilib.

Tədbir “Emedia Group”un təşkilatçılığı və Mədəniyyət Nazirliyi, Bakı Şəhər Baş Mədəniyyət İdarəsinin dəstəyi ilə təşkil olunub.

Tanınmış simalar və ictimaiyyət nümayəndələri qırmızı xalıdan keçdikdən sonra mükafatlandırma mərasimi başlayıb. Türkiyəli rəsmilər və diplomatlar “Şəms” Milli Mükafatına layiq görülüblər. Mükafat Türkiyənin Azərbaycandakı səfiri Cahit Bağçıya təqdim olunub.

Mükafatlandırılanlar arasında Baku TV, eyni zamanda Vətən müharibəsi dövründə Azərbaycan həqiqətlərinin beynəlxalq ictimaiyyətə çatdırılmasına verdiyi töhfələrə görə “Haber Global” telekanalı da olub. Hər iki televiziya adından mükafatı Baku TV-nin direktoru Ramin Cəfərov qəbul edib.

Qeyd edək ki, “Şəms” Milli Mükafatı Azərbaycan Xalq Cümhuriyyətinin 100 illiyində təsis olunub.