Pleyeri seçin:
Metroda insident yaşanıb?
Sosial şəbəkələrdə Bakı metrosunda insident yaşanması ilə bağlı məlumatlar yayılıb.
Məsələ ilə bağlı metropolitenin mətbuat xidmətindən bildirilib ki, metronun “Nəriman Nərimanov” stansiyasında insidentin baş verməsi ilə bağlı paylaşılan məlumatlar həqiqətə uyğun deyil.
“Bakı Metropoliteni” QSC-nin sözçüsü Bəxtiyar Məmmədovun sözlərinə görə, stansiyada qatarın qapısı bağlanarkən bir uşağın əli vaqon qapısı arasında qalıb. Bu zaman uşağın valideyni kömək çağırıb. Dərhal metropoliten əməkdaşları və polis işçiləri sərnişinə kömək göstərib. Hadisə nəticəsində azyaşlı sərnişinin xəsarət almadığı müəyyən olunub.
Qurumun sözçüsü həmçinin bildirib ki, metropolitendən istifadə edərkən, qatara minib-düşərkən azyaşlı sərnişinlər diqqətdə saxlanmalıdır.
Kopyalandı
#Nəriman Nərimanov metrostansiyası teqi istifadə olunub
Seçilmişlər
