Millət vəkili xəbərdarlıq etdi | Aşura günü ilə bağlı qanvermə aksiyası

Azərbaycan İlahiyyat İnstitutunda Aşura günü ilə bağlı qanvermə aksiyası keçirilib.

Aksiyada iştirak etmək üçün gələnlər arasında millət vəkili Ceyhun Məmmədov da olub.

Deputat jurnalistlərə açıqlamasında uşaqların məscidlərdə keçirilən mərasimlərə aparılmasının düzgün olmadığını deyib.

“Biz də həmin məclisləri izləyirik. Bəzən 1-2 yaşında, hətta daha körpələr həmin mərasimlərə aparılır. Oradakı izdiham və proseslərin uşaqların psixologiyasına mənfi təsiri nəzərə alınaraq uşaqların əzadarlıq mərasimlərinə aparılması tövsiyə olunmur. Vətəndaşlar qaydalara əməl etməlidir. Bəzən 2-3 min insan bir məsciddə toplaşır. Bu, onların sağlamlığı üçün müəyyən problemlər yarada bilər.

Hətta yaşlılar sağlamlıqla bağlı müəyyən problemlər yaşayıblar”, – deyə C.Məmmədov qeyd edib.