Müdafiə Nazirliyindən açıqlama: Kəlbəcərdə sursat anbarı aşkarlandı

Kəlbəcər rayonunun Qozlukörpü yaşayış məntəqəsi ərazisində sursat anbarı aşkar olunub.

Müdafiə Nazirliyi bununla bağlı görüntülər paylaşıb. Belə ki, yaşayış məntəqəsi ərazisində yerləşən fermanın tikililəri uzun müddət sursat anbarı məqsədilə istifadə edilib.

Burada raket, artilleriya mərmiləri, minalar və müxtəlif çaplı döyüş sursatları mövcud olub. Qeyd olunan sursatların təcili tibbi yardım maşını ilə fermanın ərazisinə daşındığı da müəyyən edilib.