Nişan və ad günündə şəhid çadırı quruldu - ARZUNUN VAXTI

“Ad gününə şəhid adını mənə hədiyyə etdi”.

Bunu sentyabrın 19-da Füzulidə yol qəzasında həlak olan polis əməkdaşı Seyfi Abdullayevin anası deyib.

Onun sözlərinə görə, sentyabrın 22-də, öz doğum günündə Seyfinin nişan mərasimi keçiriləcəkdi: “Hər şeyi hazır idi. Xonçaları bağlı qaldı. Öz istəyi ilə nişanını doğum günündə keçirəcəkdik”.

S.Abdullayevin anası oğlunun həlak olma xəbərini aldığı andan danışıb: “Eşitdik ki, xəstəxanadadır. Atası dedi ki, nə olsa, xəbər verəcəm. Amma sonra zənglərimi cavablamadı. Düşündüm ki, yəqin, nəsə olub. Dəfələrlə zəng etdikdən sonra cavab verdilər. Dedilər ki, Seyfi şəhid olub” .