Ordumuz ədaləti bərpa etdi | Şuşada Azərbaycan bayrağı dalğalanır

Ermənistan Silahlı Qüvvələrinin 366-cı motoatıcı alayın dəstəyi ilə Şuşa şəhərini işğal etdiyi tarixdən 33 il ötür.

1992-ci il mayın 7-dən 8-nə keçən gecə erməni hərbi birləşmələri 11 min nəfərlik qoşunla üç istiqamətdən Şuşa şəhərinə hücum edib.

Erməni təcavüzkarlarının Azərbaycan xalqına qarşı törətdiyi növbəti kütləvi qırğın nəticəsində 195-dən çox azərbaycanlı şəhid, 102 nəfər əlil olub, 165 nəfər isə itkin düşüb.

İşğal dövründə düşmən bir sıra tarixi-mədəniyyət abidələrini talan edib, dağıdıb.

Azərbaycan Ordusunun 2020-ci il sentyabrın 27-də başlatdığı əks-hücum nəticəsində 2020-ci il noyabrın 8-də Şuşa şəhəri işğaldan azad edilib.

Azərbaycan Prezidenti, Müzəffər Ali Baş Komandan İlham Əliyev Şəhidlər xiyabanından xalqa müraciətində Şuşa şəhərinin işğaldan azad olunduğunu elan edib.

Erməni işğalçılarından təmizlənən şəhərin mərkəzinə Azərbaycanın şanlı üçrəngli bayrağı sancılıb.