Ordumuzun məhv etdiyi erməni separatçıların görüntüləri

İyunun 27-də Azərbaycan Ordusunun cavab tədbirləri nəticəsində məhv edilən erməni separatçılardan dördünün fotoları sosial şəbəkələrdə yayılıb.

Onlar Armo Abqaryan, Qaqik Balayan, Samvel Torosyan və Yervand Tadevosyandır.

Qeyd edək ki, bu şəxslər Rusiya sülhməramlılarının müvəqqəti yerləşdiyi Azərbaycan ərazisindən Ordumuzun Ağdamın Qalayçılar kəndi istiqamətində yerləşən mövqelərinin atıcı silahlardan atəşə tutulmasında iştirak ediblər. Atəş nəticəsində Ordumuzun hərbi qulluqçusu Əli Bəkirov yaralanıb. Əsgərimizin xəsarət almasından sonra Ordumuz erməni separatçılarına qarşı “Qəzəb” əməliyyatı keçirib. Əməliyyat nəticəsində qanunsuz hərbi birləşmələrin 5 üzvü məhv edilib. Həmin terrorçulardan 2-si Ermənistan Silahlı Qüvvələrinin hərbçiləridir.

Sülhməramlı kontingent onların cəsədlərinin Ermənistana təxliyəsi məsələsini Azərbaycan tərəfi ilə razılaşdırmağa çalışır.