Peskovdan Laçın yolu ilə bağlı açıqlama

Rusiya Laçın yoluna dair İrəvan və Bakı ilə dialoqda gərgin və mürəkkəb işi davam etdirir.

Bunu jurnalistlərə açıqlamasında Rusiya Prezidentinin mətbuat katibi Dmitri Peskov deyib. Onun sözlərinə görə, rəsmi Moskva Qarabağla bağlı üçtərəfli razılaşmalarda iştirak edərək üzərinə düşən öhdəlikləri yerinə yetirir.

Qeyd edək ki, 2022-ci il dekabrın 12-dən Xankəndi-Laçın yolunda azərbaycanlı ekofəalların dinc etiraz aksiyası keçirilir. Artıq 44 gündür davam edən aksiyanın məqsədi Qarabağda Rusiya sülhməramlılarının müvvəqqəti yerləşdirildiyi ərazilərdə təbii sərvətlərimizin qanunsuz istismarı və talanmasına son qoymaqdır.