Psixi xəstəliklərin əsas yaranma səbəbi nədir? | Genetik faktorların mühüm rolu

Diqqət əskikliyi və hiperaktivlik sindromu olan insanlar daha çox piylənmə və şəkərli diabetdən əziyyət çəkirlər.

Bu barədə rusiyalı tibb elmləri namizədi İrina Kireyeva "RİA Novosti"yə müsahibəsində danışıb.

Onun sözlərinə görə, 30 000 yetkin xəstəni əhatə edən, diqqət əskikliyi və hiperaktivlik sindromuna malik insanlar arasında aparılan araşdırmalar zamanı mütəxəssislər belə insanların psixi və fiziki xəstəliklərinin daha çox olduğunu müəyyən ediblər.

"Tədqiqatlarda daha çox piylənmə, 2-ci tip şəkərli diabet və ürək-damar xəstəliklərindən bəhs edilir. Bu, qeyri-sağlam həyat tərzi və xroniki stres, əlaqəli psixi pozğunluqlar və ümumi genetik faktorlarla bağlı ola bilər", ‒ deyə İ.Kireyeva bildirib.

O qeyd edib ki, DƏHS-ə malik uşaqların 87%-i komorbid psixi pozğunluqlardan əziyyət çəkir. Həmçinin bu sindromun simptomları depressiya, maniakal və narahatlıq halları, bipolyar affektiv pozğunluq, autizm və şəxsiyyət pozğunluğu kimi bir çox psixi pozğunluq və xəstəliklərdə müşahidə olunur.