Pula görə o işdə işlədim | Aktrisa Sevinc Əliyeva 3 uşağına necə baxmasından danışdı - QAPQARA

“Filmlərdəki təmas səhnələrini bədiilik cəhətdən bir məqsədi olduğu halda qəbul edərəm”.

Bunu Baku TV-də yayımlanan “Qapqara” verilişində aktrisa, prodüser Sevinc Əliyeva deyib.

O qeyd edib ki, başqa ölkənin mentaliteti ilə böyüsəydi, bəlkə də, belə səhnələrlə bağlı fərqli fikirdə olardı:

“Artıq bu ölkənin suyu, torpağı ilə böyümüşəm. Sözsüz ki, digər ölkələrdə doğulsaydım, başqa cür düşünə bilərdim. Amma əgər o toxunuşa ehtiyac varsa, onun ali məqsədi varsa, razılaşaram. Əksinə, elə-belə yazılıbsa, onun bir məqsədi yoxdursa, cavabım “yox” olar. Belə bir təklif də olub. Səbəbini soruşanda isə mənə “onda niyə aktrisa olubsan?” deyiblər”.

Aktrisa bəzi filmlərə ancaq qazanc üçün çəkildiyini söyləyib:

“Karantin vaxtlarında elə işlərim olub ki, sırf maddiyat üçün işləmişəm. Gün ərzində 30 epizoda çəkilmişəm. İndi fikirləşirəm ki, niyə “yox, çəkilmirəm” deməmişəm. Həmin işlərə sənət əsəri, qürur duyulacaq layihə kimi yanaşmamışam”.