Cəmiyyət
Pleyeri seçin:
Qarabağda aşkarlanan narkotik xassəli bitkilərin miqdarı açıqlandı
2023-cü ildə işğaldan azad olunmuş ərazilərdə aşkarlanaraq məhv edilən narkotik xassəli bitkilərin ümumi miqdarı məlum olub.
Bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının 2023-cü il üzrə hesabatında qeyd olunub.
Hesabata əsasən, Ekologiya və Təbii Sərvətlər Nazirliyinin regional idarələri tərəfindən yerli polis şöbələri ilə birlikdə Laçın rayonunda 18427 ədəd, Kəlbəcər rayonunda 3212 ədəd, Qubadlıda 1677 ədəd yabanı halda bitmiş narkotik tərkibli çətənə kolu aşkar edilərək məhv edilib.
Həmçinin Kənd Təsərrüfatı Nazirliyi tərəfindən aidiyyəti mütəxəssislərin iştirakı ilə Zəngilan rayonunda 20630 ədəd, Xocavənddə 11144 ədəd, Füzulidə 4665 ədəd, Xocalıda 2168 ədəd yabanı halda bitmiş narkotik tərkibli çətənə kolu aşkar olunaraq məhv edilib.
Kopyalandı
Seçilmişlər
